Tuesday, November 14, 2023

குழந்தைகள் தின கொண்டாட்டம் வடகாடு தாய் தமிழ் பள்ளியிலும் புள்ளாச்சி குடியிருப்பு ஊராட்சி ஒன்றிய தொடக்கப்பள்ளியிலும் 14/11/23

"மனிதனை விட சக்தி வாய்ந்தது சூழ்நிலையே"
 என்ற வாக்கியத்தின் சொந்தக்காரர்.
 சுதந்திர இந்தியாவின் முதல் பிரதமர் பண்டிட் ஜவஹர்லால் நேரு அவர்களின் பிறந்த தினத்தை இந்தியா முழுவதும் குழந்தைகள் தினமாக கொண்டாடப்பட்டு வருகிறது. அதன் அடிப்படையில் இன்று வடகாடு தாய் தமிழ் பள்ளியின் குழந்தை தினம். குழந்தைகள் தினத்தை மாணவர்களின் மாறுவேட போட்டியில் சிறப்பாக நடத்தினார்கள், அதில் நாமும் பங்குபெற்று மாணவர்களுடன் கொண்டாடினோம். பள்ளியின் நிர்வாகிகளுக்கும் ஆசிரிய பெருமக்களுக்கும் வாழ்த்துக்களை நன்றி தெரிவித்துக் கொள்கிறேன்.

 அடுத்து வடகாடு புள்ளாட்சி குடியிருப்பு  ஊராட்சி ஒன்றிய தொடக்கப்பள்ளியில் சிறப்பு விருந்தினராக புதுக்கோட்டை குழந்தைகள் நல மருத்துவர் மனிதநேய மாண்பாளர் டாக்டர் ராமதாஸ் அவர்களின் தலைமையில் வெகு விமர்சையாக நடைபெற்றது. மாணவர்கள் சுதந்திரப் போராட்ட தியாகிகளின் வேடங்களுடன் அவர்களைப் போன்று பேசி மக்களின் பாராட்டை பெற்றார்கள். இந்த விழாவை இவ்வளவு சீரும் சிறப்புமாக ஏற்பாடு செய்த பெற்றோர் ஆசிரியர் கழக தலைவர் தமிழ் இந்து நிருபர் தோழர் சுரேஷ் அவர்களுக்கு மனமார்ந்த வாழ்த்துக்களையும் நன்றியையும் தெரிவித்துக் கொள்கிறேன். அறிவொளி கருப்பையா அவர்கள் சிறப்பாக பேசி புகைப்படம் எடுத்து தந்தார்கள் நன்றி. 
பள்ளியின் பெற்றோர்கள் மாணவச் செல்வங்கள் ஆசிரியர் அனைவருக்கும் நன்றி.
 எல்லா புகழும் இறைவனுக்கே.

Monday, October 30, 2023

ஆலங்குடி வட்டார ப்ரைமரி மற்றும் நர்சரி பள்ளிகளின் குழந்தைகள் தின விழா. 28/10/2023

வாழ்க வளத்துடன்.
 இன்று திருவரங்குளம் வட்டார ப்ரைமரி மற்றும் நர்சரி பள்ளிகளின் குழந்தைகள் தின விழா கல்லாளங்குடி கந்தசாமி மண்டபத்தில் வெகு விமர்சையாக நடைபெற்றது.
 இதில் நமது மண்ணின் மைந்தர் மாண்புமிகு காலநிலை சுற்றுச்சூழல் அமைச்சர் அவர்கள் தலைமையில்  மாணவர்களின் கவிதை போட்டி ஓவிய போட்டி நடைபெற்றது. மாணவர்களுக்கு பரிசுகள் வழங்கப்பட்டன.
போட்டிகளின் நடுவர்களாக நானும் வம்பன் செபா
 தமிழ்நாடு  முற்போக்கு எழுத்தாளர்கள் சங்கம் முன்னோடி அறிவொளி எஸ் ஏ கருப்பையா அவர்களும் நடுவர்களாக இருந்தோம் . 
திருவரங்குளம் வட்டார நர்சரி மற்றும் பிரைமரி பள்ளிகளின் கூட்டமைப்பிற்கு நன்றி தன்னை தெரிவித்துக் கொள்கிறோம்.  அனைத்து  பள்ளியின் தாளாளர்களுக்கும் நன்றியை தெரிவித்துக் கொள்கிறோம்.
எல்லா புகழும் இறைவனுக்கே.

Thursday, October 26, 2023

25.10.2014 நாணயவியல் கழகம் துவங்கியது

இன்று புதுக்கோட்டையில் புதியதாக  நாணயவியல் சங்கம் என்ற ஒரு அமைப்பு தொடங்கப்பட்டது. இதன் தொடர்பான கூட்டம் பாலா டிரேடிங் ஹவுஸ் நிறுவனத்தில் நடைபெற்றது. பாலா ட்ரேடிங் ஹவுஸ் செல்வா அனைவரையும் வரவேற்றுப் பேசினார். புதுகை நாணயவியல் சங்கத்தின் தலைவராக எஸ்.டி.பசீர் அலி அவர்கள் தேர்ந்தெடுக்கப்பட்டார். செயலாளராகதிரு  செல்வக்குமார் அவர்களும் இணைச்செயலாளராக செ.சுவாதி மற்றும் ஒ.கோபாலகிருஷ்ணன் அவர்களும் பொருளாளராகதிரு பஹ்ருதீன் மஸ்தான்அவர்கள், துணைத் தலைவராக திரு ரமேஷ்குமார், கெளரவத் தலைவர் மற்றும் ஆலோசகராக திரு ராஜாமுகம்மது அவர்களும் தேர்ந்தெடுக்கப்பட்டனர். இதில் வருட உறுப்பினராக இணைத்துக்கொள்ள ரூபாய் 50 ம் வாழ்நாள் உறுப்பினராக ரூபாய்500ம் வசூலிக்கத் தீர்மானனிக்கப்பட்டது. இந்த அமைப்பினை அரசின் விதிப்படி பதிவு செய்தல் எனவும் மேற்படி அமைப்பின் விழாவை டிசம்பர் மாதக் கடையில் வெகுவிமர்சையாகக்கொண்டாடத் தீர்மானிக்கப்பட்டது. மேலும் இந்த அமைப்பின் கூட்டம் மாதாமாதம் கூட்டுவது என்றும் பல பள்ளி கல்லூரி , பள்ளிகளுக்குச் சென்று ஆர்வலர்களை திரட்டி அவர்களுக்கும் வரலாற்று அறிவினை ஊட்டுவதோடு அவர்களையும் கலை, பண்பாடு , நாகரிகம், போன்ற வைகளை உணர்வுகளாக ஊட்ட வேண்டும் என்று முடிவு எடுக்கப்பட்டது. தலைவர் பசீர் அலி தன் உரையில் இணையதளத்தில் ஒரு அறிக்கை விடுத்து அதன் மூலமும் ஆதரவு திரட்டவேண்டும். மேலும் அலுவலகமாக இந்த பாலா டிரேடிங் நிறுவனமே முகவரியாக செயல்படும். இதன் மூலம் கடிதங்கள் வரவை நாம் சிறப்பாக செயல் பட முடியும். மேலும் மை ஸ்டாம்ப் என்று மத்திய அரசு அறிவித்துள்ள திட்டத்திற்கு நாமும் உதவியாகவும் உறுதுணையாகவும் இருப்பதின்மூலம் அரசுக்கு பணவரவு செய்தவராகவும் அதே சமயம் நமது முகத்தில் அஞ்சல் தலை என்பது ஒரு மகிழ்வான த்ருணமாகவும் இருக்கும் என்று கூறினார். ராஜாமுகம்மது தன் உரையில் இதனை இந்த மக்களுக்கு மிகவும் பக்குவமாக கொண்டு செல்ல வேண்டும். அவர்களுக்கு இதன் அவசியத்தை உணர்த்தினால் தான் இதன் மூலம் அவர்கள் தங்களையும் தங்களைச் சார்ந்தவர்கலையும் எப்படி வெற்றி கொள்ளவைக்க முடியும் என்று உணருவார்கள் என்று கூறினார். சுவாதிதன் உரையில் மாணவர்களிடம் விழிப்புணர்வு கொண்டு செல்லும் போது எதுவும் எளிதில் கைவர பெறும் எனவே பள்ளிகள் மட்டுமின்றி கல்லூரிகள் போன்றவற்றில் நாணயங்கள்பற்றி ஆய்வு செய்ய  பேராசிரியர் மூலமாக விரிவடையச் செய்து பலன் பெற வைக்க வேண்டும் என்றார். கூட்டத்தில் ரமேஷ். ஜலீல்முகம்மது, நூருல்லாஹ், பஹ்ருதீன், கோபாலகிருஷ்ணன்,போன்றோர் கலந்து கொண்டனர். திரு மஸ்தான் பஹ்ருதீன் அவர்கள் நன்றியுரை ஆற்றினார்.

Tuesday, October 17, 2023

மேனாள் குடியரசு தலைவர் ABJ அப்துல் கலாம் பிறந்தநாள் உலக மாணவர் தினமாக கொண்டாடப்பட்டது.

வாழ்க வளமுடன்

15 /10/ 23 அன்று பெருந்தகை மாமனிதர் மேனாள் குடியரசு தலைவர் ஏபிஜே அப்துல் கலாம் பிறந்த தினத்தை முன்னிட்டு உலக மாணவர் தினமாக கொண்டாடப்பட்டு வருகிறது.
 இந்த தினத்தை வடகாடு தாய்த்தமிழ் பள்ளி வடகாடு போட்டித் தேர்வு பயிலும் மாணவர்களுக்கு தமிழ்நாடு முற்போக்கு எழுத்தாளர்கள் கலைஞர்கள் சங்கத்தின் மாவட்ட தலைவர் ஐயா ராசி. பன்னீர் செல்வம் அவர்கள் இந்திய அரசமைப்பு சட்டத்தின் வடிவமைப்புகளை விளக்கி 1951 வரை சட்டம் எப்படி உருவாக்கப்பட்டது,
 யார் யாரெல்லாம் அதற்கு பாடுபட்டார்கள்,
 எந்தெந்த ஆண்டுகள் என்னென்ன நிகழ்வுகள் நடைபெற்றது போன்ற எண்ணற்ற விளக்கங்களை மாணவர்களுக்கு எடுத்து புள்ளி விவரத்தோடு மிக அருமையாக எல்லோருக்கும் புரியும்படி வகுப்பு எடுத்தார்கள். அருமை
அந்த வகுப்பிற்கு முன்னால் என்னையும் அறிமுக உரையை நிகழ்த்த தாய்த்தமிழ் பள்ளி வடகாடு நிர்வாகி ராஜா அவர்கள் கேட்டுக் கொண்டதற்கு இணங்க நாமும் அதில் கலந்து கொண்டோம். என்னைப் போலவே புதுக்கோட்டை நகர கிளைச் செயலாளர் கவிஞர் பீர்முகமது அவர்களும் கலந்து கொண்டு சிற்றுரை நிகழ்த்தினார்கள். மாணவர்களுக்கும் தாய் தமிழ் பள்ளி நிர்வாகிகளுக்கும் ஆசிரிய பெருமக்களுக்கும் உலக மாணவர் தினத்தை முன்னிட்டு வாழ்த்துக்களையும் நன்றியையும் தெரிவித்துக் கொள்கிறோம்.
சிறப்பு விருந்தினராக அறிவொளி S. A. கருப்பையா அவர்கள் கலந்துகொண்டு புகைப்படம் எடுத்து தந்தார்கள். 
எல்லா புகழும் இறைவனுக்கே

Sunday, September 10, 2023

ஆவணம் ஷரியத் விளக்க மாநாடு 10/08/2019

அஸ்ஸலாமு அலைக்கும் வரஹ். தஞ்சாவூர் மாவட்டம் ஆவணத்தில் 10.08.19 அன்று ஷரியத் விளக்க மாநாட்டில் கலந்து கொள்ள வாய்ப்பு வழங்கப்பட்டன. அல்ஹம்துலில்லாஹ் ஆவணம் பைத்துல்மால் கமிட்டி மிகுந்த சிறத்தை எடுத்து ஒரு முழு நாள் விழாவாக வெற்றிகரமாக நடத்தினார்கள். பைத்துல்மாலின் சேவை மற்றும் கல்வியின் சேவை குறித்து நிறைவான விளக்கத்தை பெற்றுக்கொள்ளமுடிந்தது. எல்லாப்புகழும் புகழ்ச்சியும் வல்ல ரஹ்மானுக்கே உரித்தாகட்டும். பைத்துல்மால் கமிட்டிக்கும் மற்றும் ஜமாஅத்தினர்களுக்கும் ஜமாஅத் கமிட்டிக்கும் நன்றி. இறைவனுக்கு நன்றி.....